عادل حراز في ضيافة الحاوي

0 تعليق ارسل طباعة

 

 

مع(الحاوي) 

 

 

 

أسم (حاوي) أصلها (عربي) ومعناها الذي يلاعب الحريات ويعرف أنواعها والحاوي من حوى الشئ وضمه إليه وجمعه
مهنة بدأت وأنتشرت في الهند ومنهم من يقول في بغداد
وهي مهنة للأسترزاق قائمة على أن ينفخ صاحب المزمار مزماره فتخرج الحيه من جحرها وتتمايل على صوت المزمار والذي يظهر أن ضارب المزمار يتحكم بها كيفما يشاء
لكن في حقيقة الأمر أن الأفاعي ليس لها أذن خارجية 
معنى ذلك أنها لاتسمع ولا لأي صوت ينتقل عبر الهواء

 


ولأن الحاوي يعزف ويحرك مزماره يميناً و يسارا ويضع يديه أمام الثعبان فيعتقد الثعبان أن في ذلك إشارة للخطر عليه
فيتأهب ويتحرك مع المزمار خوفاً على نفسه. 
في النهاية هي مهنة تلاعب بالأقدار وعقول الناس

وهذا نوع من أنواع ألعاب الحاوي
أنها مهنة قائمة على الخداع لكن لمن يرغب خداع نفسه برغبته.
 وتتعدد ألعاب الحاوي السحرية لا تتوقف عند نوع واحد من الألعاب 
أديب البسطاء/عادل حراز
سيأخذنا إلى عالم الحاوي الذي له القدرة على شد إنتباهنا والتركيز معه على الرغم أننا نعلم جيداً أنها مجرد خدع بصرية لا أكثر ولا أقل تعتمد على خفة اليد شأنها شأن ألعاب الساحر

 

 


 نجد الأديب/عادل حراز في حالة تعايش صادقة مع الحاوي مايجعله يراه بعينا الحب والتعاطف معاً لخلق حالة من المشاركة الوجدانية بكل تفاصيلها
أستخدم أديب البسطاء/عادل حراز وصف وكلمات سمعنا فيها نبرات صوت الحاوي الحزينة وما أصبح عليه حاله

 


من ديوان
(زمن بيدوب)

الحــــــــــــــــاوى

********

انا الحاوى اللى كان بيلف ف الشارع
انا الحلقه اللى مفقوده
مابين شاديه وبين حوده
وانا الماضى اللى كان عايش على دراعى
العب بالزمن كوره والف الكوره بصباعى
ودلوقتى..
لا مستقبل ولا مضارع
انا الحاوى اللى كان بيلف ف الشارع
ـ
انا النار اللى كات والعه في قلب الطوق
وانا المسامير على الخشبه
انا الجنزير .. وانا السلبه
وانا اللى كنت من نارى
باوصل شوق
مابين شاديه وبين حوده
انا الحلقه اللى مفقوده
ـ

اطلع م الجراب كتاكيت
وفجأه ..تنقلب بناويت
وكل بنت بعريسها
بنظرة عين يونسها
ترمى بياضها م الشباك
وتجرى تخش ع الاوضه
انا الحلقه اللى مفقوده
مابين شاديه وبين حوده
ـ
انا اللى طلعت بدرى معاش
وراح منى شقايا بلاش
ولا مكافأة ولا تأمين
ولا بطاقه من التموين
ولا قادر أجيب عضمه
وكلبى نفسه مسدوده
انا الحلقه اللى مفقوده !
ـ

ومين دلوقتى يفرحكم
ومين بيدفى مطرحكم
زرعتوا الضلمه ف الشبابيك
وبعتوا الحاره بالتمليك
لا فيه بلكونه ولا شباك
وعشتوا ف تلج وبروده
انا الحلقه اللى مفقوده
ـ
أنا الحاوى وفين تعابينى
ونبوتكم .... أكل تعابينى
وانا لاهامان ولا فرعون
ولا ليا ف البلدى عيون
أكلتم من سمك موسى
وفصصتونى ع الموضه
انا الحلقه اللى مفقوده
ـ
أنا الحاوى ..أنا الشبعان
بنظره من حنان انسان !
وطول عمرى بربى قرود
مفيش مره أخدت قروض
ولا سلفه ولا ضمانات
بقرشى لبيض المخروم
في جيب ايامكم السوده !
انا الحلقه اللى مفقوده .

عادل حراز

ديوان 

( زمن بيدوب)
أنتظروه قريبا و مفآجآة
أديب البسطاء /عادل حراز مع مؤسسة حورس الدولية للطباعة والنشر والتوزيع برئاسة
 الأستاذ /أحمد عبد المنعم رئيس مجلس الإدارة

 

 


جميع روايات
الأديب /عادل حراز
في حورس بوك ستور
(47 مصطفى كامل بجوار كلية تربية رياضية بنات بوكلي)
للتواصل مع حورس بوك ستور

(035432205)               
(01010555334 / 01200955700)  
Website : WWW.horuspublish.com    
email : Horus.alex@hotmal.com     
Horus.alex2007@yahoo.com
Instagram :Horus publish.                    
Facebook :Horus International Institution Horuspublish

 

كما أعدت مؤسسة حورس الدولية موقعاً إلكترونيا للشراء من خلاله
كالتالي
قوائم متخصصة

https://tinyurl.com/v8njaw3
قائمة مكتبة حورس بوك ستور
https://tinyurl.com/vogbcjd
قائمة إصدارات حورس للأطفال
https://tinyurl.com/ty24usx
قائمة إصدارات مؤسسة حورس كاملة
https://tinyurl.com/yx88b8xq
قائمة كتالوج حورس
https://tinyurl.com/wal55vm
كما تقدم خصم (15%)للشراء(200 جنيه)
والتوصيل مجاناً داخل محافظة الإسكندرية
مع إتخاذ كل الإجراءات الوقائية للحفاظ على أمن وسلامة القارئ.

 

 

أخبار ذات صلة

0 تعليق

Get new posts by email: