ساره وجيه تكتب ....وما اكثر العفة المتولدة عن العجز
فى رواية "الشيطان يعظ" لنجيب محفوظ شدتني جملة بتقول .. " وما اكثر العفة المتولدة عن العجز " تقريباً الجملة دي بتعبر عن لسان حال " معظم " الناس اللي بتدعي التدين وبتصدر احكام على الغير لمجرد أن أخطائهم ظاهرة للعلن اكتر منهم بشكل أو بآخر ، الحقيقة ان انت مش بتسرق علشان انت مش محتاج او مش فى ظرف يتطلب منك انك تسرق ،، انت مش بتزني علشان المجتمع فارض عليك عادات وتقاليد معينة تمنعك عن ده،، انت مش بتقتل علشان معندكش سبب او دافع يستدعي القتل،، انت مش مدمن مخدرات يمكن لان مجاتش قدامك الفرصه لحد دلوقتي . بأختصار ربنا هيحاسبك على المتاح قدامك وانت قاومتة مش اللي مش متاح اصلا وانت بتدعي الفضيلة علي حسابة، كلنا عندنا عيوب بس يمكن النسب مختلفة ..كلنا عندنا ذنوب بس ربنا ساترنا.. محدش فينا كامل .
