وداعًا للطفل المغربي ريان أردناه في نور الدنيا والله أراده أن يكون في نور جناته.
ريان وقع في بئر عميق كان حوالي 32 متر
بس يا تري كان إيه حجم الضغوطات اللى تعرض لها جواه
"خايف_جعان_عطشان_بيتألم ......."
أكيد حاجات كتير ممكن نتخيلها وممكن لأ عمتًا نسأل الله العظيم أنها كانت بردًا وسلامًا علي قلبه
نيجي بقي لحضرتك ياتري واقع في أنهي بير
وعندك نية تطلع قبل فوات الأوان ولا لأ
ياتري واقع في بير الشك؟
طول الوقت بتشك في نفسك وقدراتك و اللى حواليك...
ولا واقع في بير الفشل؟
مش مأمن بقدرات ربنا حطها جواك وأنت مش قادر تستخدمها ومستسلم للوضع الراهن بالنسبالك
ولا ياتري واقع في بير الأحكام؟
ليل مع نهار بتصدر أحكام علي نفسك مش هقدر مش هنجح مش هستجيب مش هطلع
ولا بتحكم علي غيرك
ولا واقع في بير عدم الاستحقاق؟
مستحقش أكون مستحقش أعيش مستحقش مكانتي .....
ولا بير الشكوى ؟
بترتاح للشكوى متعايش معاها ...مش فاهم إني الشكوى ديه كانت زي المسمار الي غرق سفينه تايتنك
عمتًا إيا كان البير اللي واقع فيه
ياتري بقي إيه هي كم الضغوطات اللى مأثره عليك جواه و مخلياك مش قادر تطلع
في الحقيقه كتر التساؤلات بتجيب إيجابيات
ده بيخليك تدور جوه نفسك أكتر وده بيساعدك إن حجم وعيك بيزيد ....
الشاهد في الموضوع إنك لسه فيك نفس ولسه موجود ...الإستعانة بالله أول الطريق عشان يهديك السبيل والقرار بعد كده قرارك يا إما تفوق وتسعي وتخرج كل جميل جواك ...
يا إما هتفضل عايش بالوضع التلقائي اللى صنعته لنفسك .....
وفي النهايه تقدر تطلع نفسك من ظلام البير اللى حابس نفسك فيه ..
طريقه كلامك مع نفسك هتفرق معاك جدًا وهتحطك في حته تانيه خالص من الوعي بذاتك
هتحس إنك تقدر you can
