برديس رزق تكتب.. "الاختيارات الخاطئة"

برديس رزق تكتب.. "الاختيارات الخاطئة"
برديس رزق تكتب.. "الاختيارات الخاطئة"

بقلم  -  برديس رزق 


بناخد قرارات كتير في حياتنا بتأثر علينا... مش بنعرف أننا اختارنا غلط غير بعد مرور الوقت... وقتها بس بنعيش نندم علي اختيارتنا... اغلب الاختيارات الخاطئة بتكون نتيجه التسرع... فمن الطبيعي جدا أننا ناخد قرارات غلط في بدايه حياتنا... ده نتيجة قلة خبرتنا في الحياه... و مع مرور الوقت بنفكر... 
هل القرار ده كان يتناسب معانا ومع احلامنا وطموحاتنا ولا لاء... بس الاكيد أننا منقفش ندم علي اختيارتنا دي، لكن نكمل و ونحدد أولويتنا و نختار اللي يتناسب معانا.


دايما بنكون في حالة اختيار حتي لو غلط وتكون هي نقطة بدايه مع الوقت لقرار ناجح في النهايه،
دايما لما بنختار شخص بنفكر بقلبنا و بنبعد عن العقل و ده بيبقي سبب من الأسباب اللي ممكن تخلينا نحس بالندم والقلق المستمر في بعض الأحيان وبنفقد وقتها جزء كبير من توازنا الفكري والنفسي و بنبعد عن الواقع و نعيش في الأوهام، وعلشان كده لازم نكون اكتر واقعيه.
فلا نجعل ماضينا حاضرنا... فنخسر الحاضر كما خسرنا بعض الماضي.


في حياتنا بنحقق إيجابيات كتير حتي لو محسناش بيها علشان كده لازم نعرف أن أي عمل صالح احنا بنعمله هو محاوله في حد ذاتها للنجاح، دايما خلينا نبص للجانب الإيجابي لأن ده اللي حيخلينا نحس بالتفاؤل ونقدر نوجه طاقتنا صح... و ساعتها بس حنكون قادرين علي تكوين نظره متوازنه نقدر بيها نقيم اي شئ.


دايما خليك فاكر أن الماضي عدي بكل ما فيه من ألم و حزن، وأننا لازم نسعي للسعاده من خلال اختيارتنا برضو ونستمتع بكل لحظه في حياتنا...
و كما قال الشاعر " تمتع بالصبح مادمت فيه ولا تخف أن يزول حتي يزول " 
اوقات الحياة بتجبرنا علي أننا نعيش بشروط رفضنلها.. شروط كانت نتيجه لاختيارتنا الغلط
و مش من العدل أبدا أن حياتنا تدمر بسبب اختيار واحد غلط، مع وجود اختيارات كتيره بس الحياه دايما بتدينا فرصه أننا نختار... و كل اختيار بيأثر بشده في حياتنا... دايما قدمنا فرصه للتغير علشان نعدل مصار حياتنا و نحسن اختيارتنا، وعلشان نبقي اقوي في مواجهة مشاكلنا ونكون اكتر قدره علي مواجهة الحياه، احنا منقدرش نغير الماضي ابدا لكن قادرين أننا نعيش الحاضر بشكل احسن عن طريق أننا ناخد قرار واحد صح... 


دور دايما علي سعادتك وسط حزنك...
دور دايما علي راحتك وسط ألمك ...
دور علي الجميل في ماضيك وافتخر بيه...
دور علي نفسك لانك مش حتلاقي اللي يفهمك قدك...
ومحدش حيديك سعادتك لو انت اصلا اتنازلت عنها...

و في النهايه بنقول لابد أن نحسن الاختيار.. الخلل ليس بالبشر وانما باختيارتنا.. فأحسنو الاختيار .

                     بقلم/برديس رزق

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى دكتور هلالي عبد الهادي هلالي يكتب : وهم الثانوية العامة

معلومات الكاتب

 
Get new posts by email: