من إبداعات القراء : المهندس هشام احمد يتحدث عن save money
نشر المهندس الشاب / هشام أحمد منشور عن الغلاء وارتفاع الأسعار وانهيار الطبقه الوسطى، وأزمة الشباب في الحياه كأبسط حقوقهم في المعيشه حيث كتب معلقاً : انت مش طبقة متوسطة و مش غني و مش فقير.. الطبقة السائدة بيننا دلوقتي هي دي اللي هو معظمنا نروح نشتري هدوم براندات و ماسكين ايفون و سوني و سامسونج و عندنا باقة نت ب ٥٠ جنية و عليها كل ال social media من واتس اب ل فيس بوك ل انستجرام.. بنقعد ف كافيهات و ندفع منينمم خميس و جمعه بس بقيه الاسبوع بتقعد ف البيت عشان مفيش رفاهيه الخروج كل يوم و الصرف الكتير ع الخروجة.. اللي طالب اهله بيدوه علي اد الحاجات دي و اللي بيشتغل يدوب مرتبه يكفي شويه الحاجات دي و مبيكفيش ف بياخد من اهله يكمل الشهر.. مفيش رفاهيه الدلع و الشهيصة عشان لو صرفنا يوم بنقعد عليه ٣ ايام.. اللي معاه عربيه بيحط ب ٢٠ و ٣٠ جنية بنزين و بيحسبها لحد ما يوصل سكته و اللي معندوش اوبر و كريم خاربيت بيته.. انا اسف ف اللي هقوله بس شويه كمان و هتنازل عن الحاجات دي هنتحط ف zone الفقرا اللي مش هيعرفوا يوفروا رفاهيه باقه النت و مينمم الكافيه و الهدوم اللي من zara و bershka .. شويه شويه هيبقي في اولويات تانية و اللي راكن علي اهله اللي جي هيبقي علي اد اللي رايح ف اللي يصحي لنفسه لازم يعمل حساب الزمن. بص ع صحابك لمتجوزين هتلاقيه بدأ يقطع من رفاهيته عشان يكفي بيته و الا هيتقاله اتجوزت ليه و شريحه كبيرة امه و امها لسه بيملوا التلاجة و بيتبعتله فلوس يكمل الشهر.. لو عايزين نحافظ علي الحياه دي لازم نعم save money و نبدأ نقطع من دلعنا و رفاهيتنا و خروجنا عشان تقدر تكمل علي نفس المستوي.. قلل متطلباتك و كل ف البيت بدل برة و اخرج مرة بدل ٢ و حوش سيكا عشان وقت الزنقه كله هيخلع و ساعتها هتتنازل عن رفاهيتك غصب عنك..
