الكاتب عادل حراز أسكندراني طحن
بين الحين والآخر يطل علينا الكاتب والشاعر عادل حراز بعمل يكون محط أنظار الجميع
الساعات القليلة الماضية أسعدنا
( حراز ) عشاق الإسكندرية بكلمات أختزل فيها دنيا الإسكندرية
عروس البحر الأبيض المتوسط معشوقة العالم
( حواديت إسكندرية )
كلمات كُتبت في حب الإسكندرية وتاريخها شوارعها
( حواديت إسكندرية ) عمل فني راقي في عشق الإسكندرية
كلمات نظمها شاهد علي العصر
الكاتب والأديب عادل حراز
حواديت إسكندريه
حمام زاجل وغية
بتخلى الدنيا وردى
والجده تعود صبية
*****
فى كل حكاية عبرة
تاريخ وفنون وأوبرا
وناس ف الماضى عاشت
برغم ظروفها صابره
******)
حواديت إسكندرية
حكاية عن مدينة
حلوه بنت اللذينة
فى كل موجه كلمة
وف كل ليله نسمه
نهار وليل تشوفها
روما باريس أتينا
******
حواديت إسكندرية
ياروحى قلبى رق
لما لمحته راكب
من بعد قسم شرق
إسكندر ياواد ده حارس
يعطش زى النوارس
ينزل م البحر يشرب
يطلع ع الشط فارس
*****
حواديت إسكندرية
مياسة ف مغربية
تطلع م البحر تحكى
عن جندى ف المنشيه
ركب حصان خيالها
وأستشهد فوق رمالها
ولسه سيرته عايشة
ف القلعة والطوبجية
********
حواديت إسكندرية
بتخلى الليل صباح
وتفتح باب لبكره
وترجع اللى راح
وياسالمة ياسلامه
مش بنخون الأمانة
ولحد يوم القيامة
حنضحى عشان بهيه
******.
ف إسكندرية الناس دراويش
مجنونة بسيد درويش
فى ناس تغنى غناها يموت
وناس تغنى غناها يعيش
******
كلمات/ عادل حراز
لحن وتوزيع وغناء النسخة العربي
أحمد بدوى
أنتاج وتصوير كليب
وائل عزب
غناء باللغة الفرنسيه/ ميريت جمال
صور مختارة من مكتبة
الأستاذ وائل عزب للإسكندرية في الماضي
