تقول د/منى حافظ رئيس مجلس إدارة مركز ألوان للدعم النفسي انه يمكن تحس بالسخافة وانت بتكلم بيبى وتقول مش هيفهمنىيمكن تحس بالسخافة وانت بتكلم بيبى وتقول مش هيفهمنى
لكن كلامنا مع الاطفال بساعد على تطور اللغة ومهارات التواصل عندهم لانه بيكون حصيلة لغويه كبيرة بتساعدهم على فهم اللغة أسرع وفهم الكلمات واسترجاعها عند الحاجة واستخدامها بعدين....
طيب أكلمه فأيه؟!
تقدر تتكلم مع طفلك فى كل حاجة واى حاجة بتحصل على مدار اليوم
هنعمل ايه، بتفكر فايه، ايه خططنا انهاردة .
الاطفال من وقت الولادة بيكتسبوا كم هائل من المعلومات عن العالم اللى حواليهم من خلال المراقبة والاستماع
فى البداية هتحس انه تواصل من طرف واحد او انك بتكلم نفسك لكن مع الوقت هتبتدى تشوف وتسمع استجابات مختلفة وأسرع مما تتخيل
يوقف عياط ويركز علشان يسمع كلامك، يحرك جسمه بحماس ،يناغى أو يصدر اصوات، يضحك لحد ما نوصل بمحادثة بين طرفين
خلى كلامك مع طفلك عادة هيساعد فى بناء عقله وهيقوى العلاقة والتواصل بينكم...
دمتم جميعا بخير وصحة وسعادة
