يا بتاع الورد بتبيع الوردة فى زمنى بكام ! لو محتاج قرض قولى عشان ابطل اعيش احلام انا اصلا كنت هجيب الورد لجل مااشوف فيه نفسى انا قدام و اقدر منه اقرا المستقبل و احدد على ورقه مصيرى اعرف امتى ارفض و لا اقبل و ازاى افهم فى خداع غيرى افرق بين مخزون الناس و وشوشهم تبقالى مألوفه اتعامل و انا مش خايفه خلاص سكتهم قدامى معروفه عايزة اعرف بيه اسم حبيبى قصتنا هتكمل و لا تغيب هيكون ليا سبب تعذيبى و لا يحبنى و معاه راح اطيب عايزة اعرف ايه هيكون شغلى و ياترى ايه فيه مستنينى ع الفرح الدنيا هتسمحلى و لا هتكسر فرحه عينى عايزة اعرف مين اللى هيفضل و يكمل ويايا فى اصحابى من اول سطر لاخر سطر حروف اسمه تملى كتابى انا عارفه اكيد ده كلام خرافات و مفيش حاجه منه هتتحقق بس اهو زى ما بنشوف روايات و بنسمع عنها و بنصدق لكن اللى حقيقى انا ناويه عليه اول ما اخد منك وردة هحلم اغير كون باللى عليه و هحطها جانبى على مخده علشان كل اما اصحى اشوفها و جمالها يغير فى عينيا كل الالوان تصبح لونها و افرح كل اما اجى اوصفها علشان بتشيل حزنى فى ثانيه يخطفنى جمالها على غصونها عايزة كمان حبه مايه ورد العالم كله املاه بيها فى الجو ريحيتها دى تملى الارض تدوب اى خلاف فيها ده مفيش اطيب من ريحه الورد تنقى قلوبنا تصفيها يا بتاع الورد ما تقولى انا وردة طلبى بكام ؟ موجودة بجد ! و لا انا عقلى اتخيل اوهام نفسى اسمع منك اوى فى الرد جاهز طلبك فى خلال ايام ...
