رضا عفيفي يكتب : إسرائيل ملهاش وجود
إلى اسرائيل
انتى فاكرة إنـــى ضــــعيف ولا مـــذلــــول للـرغــيـف
من النهاردة أنا نـاوى أصوم وفيها إيه لو ابـات خــفيـف
قلبى واخد عــــلــــى الهموم واللى باعلك مش شــريـف
م الساعه دى مفيـــــش مكان انتهى العــصــر اللى كــان
واللى حايسيب مرة حـــــــقه يبقى خـــايــن أو جـــــبـان
والظــــلام الــفـــجـــر شــقه خلـــى نــــور الـحــق بـان
اقفــــى ســاكـتـه ما تنطقيش انتى اصلك ماتســـــاويـش
انتى عارفه دمــــى مـــــــين أغلى شعب وأقــوى جـيش
دول نـــصــــارى ومـسلمين والتـــحرير جـنب العريش
والشهــــيــــد ده ابــــن امـى دمه عايــش جــوه دمــــى
واللى ســهران عــلى الحدود والوطـــــن ده كـــــل همى
واسرائيل مـــلـــهــاش وجود وانا واخويا على ابن عمى
رضا عفيفي
