قال إيه قال المدارس الحڪومي والتجريبي و الخاصة و الناشيونال و الانترناشيونال…
والمدرسين الحلوين الڪبار قوووي المشهورين…
اللي معندهمش وقت ياقلبي عليهم ڪل اليوم مطحونين و مشغولين
قال ايه قال أعلنوا على الصفحات بتاعتهم و الوحدات و البوستات و الإذاعات انهم عاملين مراجعات مراجعات مجانية للطلبه و الطالبات وعليهم مذڪرات …
و مجاناً ياجدع
ايوه بجد ليه مش مصدق مجاناً يعني ببلاش من غير ماتدفع أصلهم قالوا حرام الناس مش ناقصة وفيها اللي مڪفيها ما احنا طول السنة بناخد والحمد لله ربنا ساترها و مغطيها …
واللي عند ربنا سلف ودين و مبيرحش … والناس حالنا وحالهم ميسرش
يبقى اللي يقدر يعمل حاجة بيها يساعد يعملها
مجاناً من الله الڪثير نأخد مجاناً منا للمحتاج القليل نُعطي …
قمت من النوم مفزوع …
خير خير اللهم اجعلة خير … بسرعة مسڪت التليفون فتحت الفيس والجروبات لقيت إعلانات السناتر للمدرسين والمدرسات موسوعة التاريخ وأطلس الجغرافيا أسد الساينس ثعلب الماس و الرياضيات جهبز الإنجليزي واللغات قاموس العربي والحباشتڪانات …
سمع هس تڪثيف الحصص والمجموعات و عليهم ڪام حصة مراجعات بفلوس ڪتير ڪتير ڪتير ياولداه وبالحجز عند الأسست والسڪرتاريا يا اُماه وادفع ثمن رسوم السنتر وعليهم تمن المذڪرات يا أباتاه …
قلت لنفسي ياعم نااااااااصر ابقى اتغطى قبل ماتنام ده موسم التربح وتڪثيف الحصص والمراجعات مفيش ڪلام …
ليه تزعل الناس منك وتخليهم يتقمصوا دور المظلومية ويقولوا الحقوا ناصر ڪتب مقال بيحاربنا وييشتمنا ويسبنا وقاصدنا بالإسم وبلغ ربنا عننا ايوه هو اللي بلغ وبيقوم الناس علينا واحنا أصحاب الرسالة والفخامة والسمو …
ولسان حالهم بيقول خليك في الباص والوعظات وابعد عننا ولااااااا!!!!!!!! [????] [????]
لا لا خلاص حرمت
مش ها احلم تاني ها اتوب و اتڪتم واعتذر و أعلن الولاء اللهم لا إبتلاء
