ميشو يوضح الحقائق
للتوضيح انا المدرب الحالي لنادي نهضه العامريه وانا المسؤل مسؤلية كامله عن النتائج بتاعه الفرقه اللعيبه دي لعيبه رجاله وغلابه ..اللعيبه دي من بدايه الدوري من اخر شهر ٩مخدوش غير مرتب شهر وعلي مرتين كمان...محدش يتهم اللعيبه بحاجه...والناس اللي بتتكلم بقولهم انا المسؤل وانا مكمل لنهايه الموسم حسب وعدي واتفاقي مع اللعيبه ومتحمل المسؤلية كامله لنهايه الدوري والترتيب اللي الفرقه هتوصله الحمدلله اهلي ربوني اني ابقي راجل ومهربش وبشكر الجهاز الفني ك سامح وصلاح ورمضان اللي بيبذلوا مجهود خرافي وبيدفعوا من جيوبهم وبقولهم عند الله العوض وبشكر كابتن جمال فتحي اللي هو الوحيد اللي متواصل معايا من النادي وبيبذل مجهود بعد مارئيس النادي انقطع بقالوا اذيد من شهرين حتي الامور الاداريه مبيعملهاش وبشكر اللعيبه اللي نطت من المركب وقررت متكملش وبشكر نادي بهيج اللي مستضافنا علي ملعبه وبشكر الحاج اسلام الصياد الراجل المحترم اللي مستضاف الاعب المغترب في سكن نادي المجد اللعيبه دي متمرنتش في ملعب واحد تمرينتين ورا بعض بشكرهم مره ثانيه وبكرر انا المسؤل الاول والاخير عن نتايج الفرقه وبناشد مسؤلي نادي الناصريه انهم يستضيفوا مباريات الفريق علي ملعبهم نظرا لبعد ملعب بهيج علي اللاعبين ولله الامر من قبل ومن بعد
