سنه 1973 قام مجموعه لصوص بالسطو المسلح ع بنك كريديتبانكين .. ف مدينه السويد وتحديداً ف "ستوكهولم" و ف اثناء عمليه السطو دي احتجزوا مجموعه من الرهائن لمده 6 ايام.. الغريبه ان اثناء الوقت ده الرهائن دي ارتبطوا عاطفياً جدا بالخاطفين وكانوا بيرفضوا يساعدوا الحكومة.
الاغرب كمان ان في ناس منهم كانت بتدافع عن الخاطفين دول بعد انتهاء الازمة.. وقتها درس" نيلز بيجيرو عالم الجريمه" الحدث ده.. ومن وقتها اتعرفت الحاله دي باسم " Stockholm syndrome او متلازمة ستوكهولم " المتلازمه دي عباره عن ظاهره نفسية بتحصل لما يتعاطف المجني عليه مع الجاني لدرجة انه ممكن يدافع عنه او يدخل ف علاقة عاطفية معاه الظاهرة دي بتحصل بنسبه 8% من ضحايا الاختطاف .. نيجي للمهم المتلازمه دي مش شرط تحصل ف حالات الاختطاف بس لا ممكن تكون ف شكل علاقة فيها طرف دايما بيتعرض للعنف والظاهرة دي بتظهر بشكل كبير جدا ف العلاقات العاطفية اللي فيها طرف بيتعرض دايما للتعنيف الجسدي او اللفظي.. ف اغلب العلاقات دي بنلاقي ان الطرف المعنف متضامن بشكل كامل مع الطرف الجاني بل بالعكس ده ممكن يشوف دي ميزه ..ويدافع عنه!! فى بعض الأوقات ضحايا العلاقات دى بتبقى أشد عنف وقسوة مع المخالف ليها ودة يعرفنا لية بنشوف علاقات كتير غير سوية وفيها تعنيف من طرف للتانى مستمرة .. الحب وقبول الآخر شئ .. والعلاقة المرضية شئ تانى خالص .
